អ្នកផលិតកម្មវិធីកីឡាដ៏ល្បីល្បាញប្រចាំក្រុមហ៊ុន CBS លោក ម៉ា សេរី បានទទួលមរណភាពកាលពីវេលាម៉ោង៥:៥៤នាទីព្រឹកនេះនៅមន្ទីរពេទ្យខ្មែរ-សូវៀត បន្ទាប់ពីជំងឺមហារីកថ្លើមរបស់លោកធ្វើទុក្ខអស់រយៈពេលជាយូរមក។
អ្នកផលិតកម្មវិធីកីឡាដ៏ល្បីល្បាញប្រចាំក្រុមហ៊ុន CBS លោក ម៉ា សេរី បានទទួលមរណភាពកាលពីវេលាម៉ោង៥:៥៤នាទីព្រឹកនេះនៅមន្ទីរពេទ្យខ្មែរ-សូវៀត បន្ទាប់ពីជំងឺមហារីកថ្លើមរបស់លោកធ្វើទុក្ខអស់រយៈពេលជាយូរមក។ មួយរយៈពេលចុងក្រោយនេះ អាការៈជំងឺរបស់លោកបានធ្វើទុក្ខខ្លាំងរហូតដល់បញ្ជូនមកមន្ទីរពេទ្យមួយលើកជាពីរលើក និងយកទៅផ្ទះវិញ ប៉ុន្តែចុងក្រោយយកមកមន្ទីរពេទ្យទៀត ក៏ទទួលមរណភាពនៅព្រឹកថ្ងៃទី៨ ខែកុម្ភៈ ឆ្នាំ២០១៧នេះ។ សពរបស់លោក ម៉ា សេរី ត្រូវបានតម្កល់ទុកធ្វើបុណ្យតាមប្រពៃណីនៅផ្ទះរបស់លោក ម្តុំអូបែកក្អម ជិតកាកបាទក្រហមកម្ពុជា។ មួយជីវិតរបស់លោកបម្រើក្នុងវិស័យកីឡារហូត។
លោក ម៉ា សេរី ជាអ្នកផលិតកម្មវិធីកីឡាពោរពេញដោយបទពិសោធន៍ និងគំនិតច្នៃប្រឌិត ព្រមទាំងជាពិធីករជើងចាស់ដ៏ល្បីល្បាញប្រកបដោយវោហារសាស្ត្រផ្នែកកីឡាប្រចាំស្ថានីយទូរទស្សន៍កម្ពុជា ស៊ីធីអិនដែលទទួលបានការគាំទ្រយ៉ាងខ្លាំងពីសំណាក់មហាជន អ្នកស្នេហា វិស័យកីឡា។ លោកប្រសូតនៅថ្ងៃទី១០ ខែមេសា ឆ្នាំ១៩៦០ ក្នុងត្រកូលកសិករមួយស្ថិតក្នុងភូមិខ្នុរ ឃុំ ស្វាយអង្គ ស្រុកស្វាយរៀង ខេត្តស្វាយរៀង៕
0 comments:
Post a Comment