ប្រមុខរដ្ឋាភិបាល កម្ពុជា សម្តេច ហ៊ុន សែន ណែនាំលោក ហង់ ជួន ណារ៉ុន ជាសាធារណៈបែបនេះ ក្នុងពិធីចែកសញ្ញាបត្រ នៅវិទ្យាស្ថានជាតិអប់រំ តបនឹងការស្នើសុំរបស់យុវជន តាមទំព័រហ្វេសប៊ុកសម្តេច។ សម្តេច ហ៊ុន សែន បានថ្លែងយ៉ាងដូច្នេះថា៖«ប្រសិនបើតម្រូវឲ្យមានការប្រឡងគ្រូ ក្មួយៗ ដែលធ្លាប់បានគេហៅថា ឆ្នាំទៅចូលជាស្វ័យប្រវត្តិ ក៏កុំខ្លាច ក្នុងឋានៈជាជើងខ្លាំងនៃការប្រឡង ដែលយើងជាប់បានដល់និទ្ទេស A B C កុំខ្លាចចូល ប្រឡងក្មួយ ឲ្យវាស្មើភាពគ្នា»។
បេក្ខជនប្រឡង ជាប់សញ្ញាបត្រទុតិយសភូមិ (បាក់ឌុប) នៅឆ្នាំនេះ មានចំនួន ៥៥ ៧៥៣នាក់ ត្រូវជា ៦២,១៨% នៃបេក្ខជនវត្តមានចំនួន ៨៩ ៦៦១នាក់ ។ នេះបើតាមសេចក្ដីប្រកាសតាមហ្វេសប៊ុករបស់ក្រសួងអប់រំ យុវជន និងកីឡា។
បេក្ខជនទទួលបាននិទ្ទេស A មានចំនួន ៤០៥ នាក់ ក្នុងចំណោមបេក្ខជនប្រឡងជាប់បាក់ឌុបឆ្នាំនេះ។ រីឯ បេក្ខជនជាប់និទ្ទេស B មានចំនួន ២ ៨០១, និទ្ទេស C មានចំនួន ៥ ៥៩៥ នាក់, និទ្ទេស D មានចំនួន ៨ ៨៣៥ នាក់ និងនិទ្ទេស E មានចំនួន ៣៨ ១១៧ នាក់។
គួរជម្រាបផងដែរ កាលពីដំណើរការរឹតបន្តឹងការប្រឡងលើកទី១ ក្នុងឆ្នាំ២០១៤ បេក្ខជនជាប់បាក់ឌុបទូទាំងប្រទេសក្នុងការប្រឡងទាំងពីរលើកមានចំនួន ជាង ៣ម៉ឺននាក់ក្នុងចំណោមបេក្ខជនប្រឡងសរុបជាង ៧ម៉ឺននាក់ក្នុងនោះ បេក្ខជនជាប់និទ្ទេសមាន A ចំនួន ១១ នាក់។ រីឯ លទ្ធផលបាក់ឌុបឆ្នាំ ២០១៥បេក្ខជនប្រឡងជាប់មានចំនួន ៤៦ ៥៦០ នាក់ស្មើនឹង ៥៥,៨៨ ភាគរយចំណោមបេក្ខជនមានវត្តមានក្នុងការប្រឡងសរុប ៨៣ ៣២៥ នាក់ ក្នុងនោះ បេក្ខជនជាប់និទ្ទេស A មានដល់ទៅ ១០៨ នាក់៕
0 comments:
Post a Comment