ប្រភពដើម RFA
 |
| ប្រធានក្រុមតំណាងរាស្ត្រគណបក្សសង្រ្គោះជាតិ សុន ឆ័យ (ឆ្វេង) និងរដ្ឋមន្ត្រីក្រសួងសុខាភិបាល លោក ម៉ម ប៊ុនហេង (ស្ដាំ)។ RFA/Brach Chev |
ប្រធានក្រុមតំណាងរាស្ត្រគណបក្សសង្រ្គោះជាតិ ព្រមានថា នឹងស្នើដករដ្ឋមន្ត្រីក្រសួងសុខាភិបាល ដោយលើកឡើងថា វិស័យនេះធ្លាក់ចុះខ្លាំង។
ថ្លែងប្រាប់ក្រុមអ្នកសារព័ត៌មានក្រោយជួបសួរ សុខទុក្ខមន្ត្រីបក្សប្រឆាំងនៅពន្ធនាគារព្រៃស
ប្រធានក្រុមតំណាងរាស្ត្រគណបក្សសង្រ្គោះជាតិ លោក សុន ឆ័យ ឲ្យដឹងថា តំណាងរាស្ត្រគណបក្សសង្រ្គោះជាតិ នឹងចូលធ្វើការនៅរដ្ឋសភាវិញ ដើម្បីដោះស្រាយបញ្ហានយោបាយ។ លោកយល់ថា រដ្ឋមន្ត្រីក្រសួងសុខាភិបាលគួរសុំលាលែងចេញពីតំណែង ព្រោះពលរដ្ឋខ្មែរកំពុងរងគ្រោះយ៉ាងខ្លាំងពីវិស័យនេះ។
ការប្រកាសវិលចូលសភារបស់គណបក្សសង្រ្គោះជាតិ នៅពេលនេះ គណបក្សសង្រ្គោះជាតិ រំពឹងថា នឹងអាចដោះស្រាយវិបត្តិនយោបាយ។ ជំហររបស់បក្សប្រឆាំងបែបនេះ បន្ទាប់ពីលោកនាយករដ្ឋមន្ត្រី ហ៊ុន សែន ថាបើលោកចរចាជាមួយបក្សប្រឆាំងដោយការគំរាមបាតុកម្មគឺលោក “ឆ្កែសុទ្ធ“។ ប៉ុន្តែលោកប្រកាសថា បើចង់និយាយគ្នាមានតែបក្សសង្រ្គោះជាតិវិញចូលសភាធ្វើការធម្មតាវិញ។
លោក សុន ឆ័យ ថ្លែងដែរថា គណបក្សកំពុងរៀបចំឯកសារកោះហៅរដ្ឋមន្រ្តីមួយចំនួនមកបំភ្លឺផ្ទាល់ មាត់នៅរដ្ឋសភា។ ក្នុងនោះរួមមាន៖ រដ្ឋមន្ត្រីក្រសួងការពារជាតិ លោក ទៀ បាញ់ រដ្ឋមន្ត្រីក្រសួងកសិកម្ម លោក វេង សាខុន រដ្ឋមន្ត្រីក្រសួងសុខាភិបាល លោក ម៉ម ប៊ុនហេង និងកោះហៅរដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍានា មកភ្លឺសាជាថ្មីទៀត។
0 comments:
Post a Comment